PROJECT TOKYO 2023 ОЛОН УЛСЫН ЭКСПОД АМЖИЛТТАЙ ОРОЛЦЛОО.

“Tokyo Project 2023” олон улсын экспод Монголын загварын “Сэцэн фэшн” ХХК амжилттай оролцлоо. Токио хотын загварын төвд жилдээ хоёр удаа зохиогддог загварын үзэсгэлэн экспо нь Informa Markets-аас зохион байгуулдаг PROJECT TOKYO (хуучнаар MAGIC Japan) нь Токио хотын загварын төвд болдог загварын үзэсгэлэн юм. Энэ нь орчин үеийн брэндүүдийг илрүүлж, удирдан чиглүүлдэг бөгөөд ингэснээр загварын салбарын эрэлхийлж буй шинэ загвар зохион бүтээгч брэндүүдийг бий болгож, Японы болон олон улсын тэргүүлэх худалдан авагчидтай холбож өгдөг загварын салбарынхны хүсэн хүлээдэг арга хэмжээ юм.

Үзэсгэлэнг 3-р сарын 15, 16-ны өдрүүдэд Токиогийн загварын тайзны төв хэсэгт байрлах Токиогийн олон улсын форум (А танхим)-д зохион байгууллаа. Үзэсгэлэнд “Сэцэн фэшн” ХХК анх удаа оролцож байгаа бөгөөд үндсэн гурван коллекцоо танилцууллаа. Шинэ коллекцууд нь олон улсын шүүмжлэгчид, загвар зохион бүтээгчид, загварын дэлгүүрүүдээс өндөр үнэлгээ авсан бөгөөд Сэцэн фэшн ХХК нь цаашдын хамтын ажиллагааны байгууллагуудтай холбоо тогтоож чадсан юм. Энэ нь компанийн хувьд маш том амжилт байсан бөгөөд одоо олон улсад бизнесээ өргөжүүлэх боломж бүрдэж байна.

Манай загвар зохион бүтээгч Д.Ариундэлгэрийн бүтээлүүд олон улсын загваруудаас өвөрмөц, өнгөлөг, залууст зориулсан зэргээрээ ялгарч чадаж байсан бол Япон болон Хонконгийн загварын чиг хандлагыг илэрхийлж чадахуйц бүтээлүүд болжээ гэж зохион байгуулагчдын зүгээс дүгнэсэн юм.

Ерөнхийдөө “Сэцэн фэшн” ХХК TOKYO PROJECT 2023 олон улсын экспод амжилттай оролцсон нь компанийн хувьд томоохон амжилт болж байна. Энэ нь дизайны өндөр чанар, олон улсын түвшинд өрсөлдөх чадвартайг гэрчилж байна. Бид цаашид энэхүү амжилтаа ашиглаж, дэлхийн загварын зах зээлд цар хүрээгээ улам өргөжүүлэхээр төлөвлөж байна.